Ѓоковиќ се врати во Белград на дополнителни лекарски прегледи на главата
![](https://www.slobodenpecat.mk/wp-content/uploads/2024/05/11975499.jpg)
Најдобриот светски тенисер Новак Ѓоковиќ по прераното завршување на неговиот настап на Мастерсот во Рим се врати во Белград каде му беа извршени дополнителни лекарски прегледи на главата по инцидентот во италијанската престолнина.
Србинот беше елиминиран од Алехандро Табило во третото коло на турнирот од серијата 1.000, а два дена пред дуелот со Чилеанецот Ноле доживеа голема непријатност, која, како што призна, влијаеше на неговите перформанси.
Новак зборуваше за моментот кога го удриле со алуминиумско шише во главата, но и за последиците, заклучувајќи: „Јас сум сосема друг играч“.
Ѓоковиќ во средата бил во Ургентниот центар во Белград, не се задржал долго, а што е најважно – здравјето му е во најдобар ред и може непречено да ги продолжи подготовките за „Ролан Гарос“.
Според информациите Ѓоковиќ се чувствува добро, сите негови наоди се добри. Направи комплетна крвна слика и сè е во границите на нормалното. Направил и ЕКГ и скенирање на главата, за да се увери дека не е сериозно повреден, ги доби резултатите кои покажуваат дека сè е во ред.
Најдобриот светски играч од понеделник се очекува да учествува на Грен слем турнирот во Париз каде ја брани титулата, како и првото место на АТП листата.