На три месеци пред првиот круг од претседателските избори во Франција, актуелниот претседател Емануел Макрон ја ужива популарноста на 38 отсто од Французите, и неговата популарност е поголема од таа на неговите претходници во истиот период, ги пренесе денеска парискиот весник „Фигаро” резултатите од најнова анкетата на јавното мнение.

Иако Макрон неодамна предизвика контроверзии изјавувајќи дека ќе им го отежне животот на оние кои одбиваат да ја примат вакцината против коронавирусот, неговата популарност не е намалена и со 38 проценти од популарноста тој е во релативно удобна позиција пред првиот круг од претседателските избори, иако се уште не е официјален кандидат на изборите, пишува „Фигаро”.

Неговите претходници во овој предизборен период не ја уживаа ваквата популарност.

Социјалистичкиот претседател Франсоа Оланд беше популарен кај само 19 отсто од Французите, додека десничарскиот претседател Никола Саркози имаше 29 отсто поддршка од Французите.

Претседателските избори во Франција ќе се одржат во два круга, на 10 и 24 април