Македонската А репрезентација се подготвува за вториот натпревар на Европското првенство кој ќе се одржи в четврток (17 јуни) во Букурешт со почеток од 15.00 часот против Украина.

Денеска Фудбалската федерација на Македонија во пресрет на тој дуел објави важна информација до фановите на нашата селекција:

– Апелираме до сите навивачи и поддржувачи на македонската репрезентација кои имаат влезница за утрешниот натпревар со Украина на Националната арена во Букурешт, доколку се во можност, денеска да обезбедат алка за негативен Ковид-19 тест (задолжителна за влез на стадионот), од причина што организаторите на натпреварот очекуваат голем број навивачи на двете репрезентации да пристигнат во Букурешт во текот на утрешниот ден – соопштуваат од ФФМ.

На стадионот во Букурешт македонските навивачи ги имаше во голем број и направија одлична атмосфера од трибините, но истата не беше крунисана со победа на фудбалерите.

Се очекува фановите на македонската А репрезентација да ја дадат неопходната поддршка на дуелот со Украинците, но според најавите и ривалите ќе бидат бодрени од своите навивачи.

„Слободен печат“ во Букурешт: Да му ја покажеме нашата „шева“ на украинскиот селектор