Ферарито на Шумахер од 2003 година ќе се продава за 8,4 милиони фунти
Се работи за оригиналниот автомобил со кој Шумахер го освои првенството во 2003 година
Ферарито на Михаел Шумахер од 2003 година е најновиот од Ф1 болидите на легендата што се продаваат на аукција. Се очекува почетната цена да биде 8,4 милиони фунти (околу 9.600.000 евра), иако не е официјално.
Три од претходните тркачки автомобили Ферари на Шумахер се рангирани меѓу четирите најскапи Ф1 болиди кои некогаш биле на аукција, со цена од 5,2 до 6,2 милиони фунти.
Најновиот сè уште нема официјална почетна цена, но неизбежно ќе биде еден од најскапите Ф1 болиди продадени на аукција.
Токму овој Ф2003-ГА (иницијалите се во чест на покојниот шеф на Фиат, Џани Ањели) победник на пет гран-при трки, возен од Шумахер, за време на сезоната кога тој ја освои титулата во 2003 година.
Тоа е оригиналниот болид со кој Шумахер возеше за да го освои шестиот шампионат во Ф1.
Михаел Шумахер сега живее со своето семејство во Швајцарија, каде болидот ќе се продава на аукција. Продажбата ќе ја изврши аукционерската куќа Сотеби на 9 ноември.