Јавен обвинител од Основното јавно обвинителство Скопје поведе постапка против едно лице за кое постои основано сомнение дека сторило кривични дела Тешка кражба и Изработување и набавување оружје и средства наменети за извршување на кривично дело.

Според Обвинителството, на 24 февруари, осомничениот заедно со негов партнер, кој се уште е непознат, провалиле во стан во центарот на Скопје и украле пари и накит.

„Откако претходно осомничениот направил лажни клучеви за отворање врати, заедно со соизвршителот насилно делувале на бравата од влезната врата на стан на улицата „Даме Груев”. Штом отклучиле, влегле во станот, извршиле претурање и пребарување и одзеле 250 евра во разни апоени, како едно сребрено ташниче – несесер со накит, па го напуштиле местото“, пишува во соопштението од ЈО.

Јавниот ообвнител до судијата на претходна постапка достави предлог за определување мерка притвор за осомничениот, ценејќи дека постои опасност од бегство.