Фармацевтска компанија открила лек кој ја забавува Алцхајмеровата болест – Слободен печат
ЗдравјеМагазин

Фармацевтска компанија открила лек кој ја забавува Алцхајмеровата болест

Во светот во моментов нема лек од ваков вид затоа што досега познатите лекови помагаат само во олеснување на симптомите.

Американската фармацевтската компанија „Biogen“ вчера објави дека го развила првиот лек што може да го забави развојот на Алцхајмеровата болест.

Во светот во моментов нема лек од ваков вид затоа што досега познатите лекови помагаат само во олеснување на симптомите.

Најавата на „Biogen“ доаѓа како изненадување затоа што во март 2019 година компанијата, наводно, го напуштила развојот на лекот, откако, она што беше речено во тоа време, разочарувачките резултати.

Достапно за неколку години?

Американската компанија сега планира да побара одобрение од американските власти за, како што рекоа, „револуционерениот“ лек наречен „aducanumab“ и сите потребни документи треба да бидат готови до почетокот на 2020 година, пренесува „ВВС“.

Процесот на одобрување може да трае една или две години, но доколку тој процес е успешен, компанијата има намера прво да го понуди на пациенти кои биле вклучени во нивните клинички испитувања.

Новите анализи покажаа дека повисоки дози на „aducanumab“ можат да им помогнат на пациентите со рани знаци на Алцхајмерова болест со забавување на нивното влошување, зачувување на нивната меморија, како и нивната способност да се справат со секојдневниот живот.

Голема надеж

„Аducanumab“ цели кон протеинскиот амилоид кој формира огромни наслаги во мозоците на луѓето со Алцхајмерова болест. Научниците веруваат дека овие наслаги се токсични за мозочните клетки и дека отстранувањето на нив со помош на овој лек би претставувало голем чекор напред во третманот, иако не во целосното лекување на деменцијата.

Повеќе од десет години, фармацевтските компании не нудат нов лек за борба против деменцијата.

Главниот извршен директор на „Biogen“, Мишел Вунатос изјави дека тој и колегите се надеваат во иднина дека пациентите ќе можат да ја понудат првата терапија што може да го забави развојот на Алцхајмеровата болест.

Хилари Еванс од британското здружение за истражувања на Алцхајмеровата додава: – Луѓето со Алцхајмер чекаат долго време за некој лек што ќе го промени нивниот живот, а најновите вести ни даваат нова надеж.

Професорот Барт Де Стропер, директор на Институтот за истражување на деменција на Универзитетскиот колеџ во Лондон, вели дека ова е исклучително добра вест затоа што во моментов нема ефикасен лек во светот за да се забави развојот на деменцијата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Исто прочитајте

Close
Close