Од 18.00 часот стартува натпреварот од третото коло во групата „Ц“ на Европското првенство помеѓу репрезентациите на Македонија и Холандија.

Дуелот се игра на „Јохан Кројф“ Арената во Амстердам, „лалињата“ веќе се во осминафиналето, а нашите најдобри играчи ќе се обидат достојно да се одјават од континенталниот собир.

Двајцата селектори Игор Ангеловски и Франк де Бур објавија со кои 11 ќе истрчаат на теренот.

Составот на Македонија: Димитриевски, Адеми, Муслиу, Тричковски, Алиоски, Трајковски, Пандев, Ристовски, Д. Велковски, Барди, Елмас.

Резерви: Јанков, Шишковски, Зајков, Ристевски, Хасани, Костадинов, Николов, Стојановски, К. Велковски, Спировски, Аврамовски, Чурлинов.

Составот на Холандија: Стекеленбург, Де Лихт, Де Врај, Вајналдум, Депај, Ван Анхолт, Гравенберх, Блинд, Мален, Ф. де Јонг, Дамфрис.