Есента носи многу свежи овошја и зеленчуци, а и уште имаме и од летните, па така борбата со настинките воопшто не мора да биде тешка.

Свежата храна, додека е уште достапна, ќе му помогне на телото да го зачува имунитетот силен. Поради тоа, не се впуштајте уште сега во тешка храна, бидејќи имате цела зима за тоа.

Бидете подготвени со доволно витамин Ц и парацетамол, во случај да почувствувате симптоми на блага настинка. За се посериозно морате да се консултирате со лекар.

На сето ова, не заборавајте ни на сушената брусница, циметот, ѓумбирот, корен од бел слез, лимон и куркума. Користете ги маслата од црн ким и од диво оригано како помош во зацврстувањето на организмот, вежбајте, пешачете, мијте раце и секако, дозволете си секогаш квалитетен сон.

Бонус рецепт: Витамински сок

Во соковник подгответе сок од две поголеми зелени јаболки, половина лимон, додајте ѓумбир по вкус и испијте го веднаш, за да ги искористите сите витамини.