Елмас: Мора да го победиме Лихтенштајн за да останеме во игра за СП

Македонија на осми октомври му гостува на Лихтенштајн во квалификации за СП 2022/ фото: EPA-EFE/Mihai Barbu

Македонскиот репрезентативец Елиф Елмас вели дека победата над Лихтенштајн е неопходна за „црвено-жолтите“ да останат во игра за второто место во групата Ј во квалификациите за пласман на СП 2022 година.

– Мора да победиме за да останеме во игра за Светското првенство. Се надевам дека ќе се вратиме со три бода. Треба да го одиграме тоа што селекторот ќе го побара од нас. Ќе се обидеме да ја подобриме реализација, но и некои други детали во играта. Лихтенштајн игра дефанзивен фудбал, компактни се и ќе биде тежок натпревар, потоа Германија ќе биде уште потежок, но наше е да одиграме тоа што знаеме, умееме и се надевам дека од двата натпревари ќе добиеме максимум што е можно – вели Елмас.

 

Видео на денот