Водителката Елен Деџенерис објави крај на емитувањето на нејзиното долгогодишно ток-шоу. Последната емисија ќе се емитува во 2022 година, а по 19 сезони истото ќе заврши.

„Колку и да е одлична оваа емисија и колку и да е забавна, едноставно не е предизвик повеќе за мене“, изјави водителката за „The Hollywood Reporte“.

 

View this post on Instagram

 

A post shared by @infosseriesfr

Веста за крајот на снимањето беше објавена само неколку месеци откако поранешните вработени излегоа во јавноста со приказни дека шоуто е „токсично место за работа“.

После тоа, неколку вработени останаа без работа, а Деџенерис ја отвори тековната сезона со извинување во етерот. Шоуто се емитува од 2003 година и е едно од најпопуларните во САД, а притоа и најпознатите шоу – емисии во светот.

 

View this post on Instagram

 

A post shared by Hotchka 2015 (@hotchka2015)

„Сакав да го завршам шоуто по 16-тата сезона. Требаше да биде моја последна сезона, но тие сакаа да потпишам договор за уште четири години. Реков дека ќе потпишам можеби уште една година. Тие не се согласија на една година, па најдовме компромис за три. Знаев дека ќе биде мојата последна сезона“, истакнала Елен.