Еколошки остров: Вештачко островско одморалиште ќе се гради од пластичен отпад собран од океанот

ФОТО: Margot Krasojević Architects

Пловечки хотел на брегот од Индискиот Океан на австралиска територија, кај Кокос островите, ќе се гради од вреќи полни со пластика, која е собрана при филтрирање на океанските води.

Во план е отпадот во кој може да се најдат од пластични шишиња и друга ситна пластика до гуми, собрани во специјални мрежи, да се искористат како основа за да се создаде т.н. сплав на кој ќе биде поставено одморалиштето.

ФОТО: Margot Krasojević Architects

Сплавот ќе биде закотвен за дното од океанот со големи талози од песок и тиња. Целта е со ова да не се наруши екосистемот во кој растат посебен вид дрвја познати како мангрови, чии корења растат во вода, а ќе бидат искористени да ги зацврстат вреќите со пластично ѓубре и на тој начин да се формира стабилна структура за одморалиштето, односно да спречи превртување или потопување при поголеми бранови.

ФОТО: Margot Krasojević Architects

Инаку, овие дрвја се користат во реони каде што има опасност од поплави, затоа што при растење нивните корења „го ловат“ песокот и тињата и прават еден вид брани, низ кои не може да се пробие водата.

ФОТО: Margot Krasojević Architects

Исто така и структурата на островот ќе биде направена од рециклирани материјали.

ФОТО: Margot Krasojević Architects

Дизајнер на овој остров е лондонската дизајнерка Марго Красојевиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот