Од 1 јули се воведува еколошка такса од 3,5 денари за нафтата и за нафтените деривати, потврди премиерот Зоран Заев на прес конференција. Ова значи дека еколошка такса ќе има не само за дизелот, како што првично обелодени ВМРО-ДПМНЕ, туку и за бензините.

– Согласно обврските што ги имаме кон Европската унија, како и согласно Парискиот договор што го имаме усвоено преку Парламентот, нашата земја ќе ја спроведува зелената агенда – ќе има еколошки такси за компании, за употреба на јаглен и ќе има еколошка такса за нафтата и нафтените деривати. Целта е што помала употреба на фосилните деривати, да се свртиме кон зелената енергија, кон новите технологии. Ова значи што повеќе да возиме велосипеди, тротинети, па и возила на струја и хибридни возила – рече Заев .