Европската Kомисија (EK) ќе го претстави својот прв проект за пасоши за имунизација во Европската Унија (ЕУ) на 17 март, соопшти на брифинг во Брисел официјалниот портпарол на Комисијата, Ерик Мамер.

Тој објасни дека одлуката за нивна практична примена, вклучително и на меѓународно ниво, земјите-членки на ЕУ ќе ја донесат подоцна.

Мамер исто така истакна дека документот нема да се нарекува пасош, туку „зелена електронска пропусница”.

Земјите-членки ќе разговараат за усвојување на документот предложен од Европската комисија, но нема да ги дискриминираат граѓаните на ЕУ кои не се вакцинирани против коронавирусот.

На Самитот одржан кон крајот на февруари, европските лидери се согласија да продолжат да работат на создавање пасоши за имунизација во наредните месеци.