„Ѕвездичката на Пинк“ порасна: Работам во сендвичарница за да преживеам
Победникот на втората сезона на „Ѕвездичките на Пинк“, сезона 2015/2016, Марко Бошњак денес има 19 години и вели дека работи во ресторан за брза храна за да преживее.
Талентираниот млад пејач неодамна гостуваше во утринската емисија на загрепското радио „Антена“, каде се пожали дека му е тешко да станува рано наутро бидејќи работи и трета смена во еден ресторан за брза храна во Загреб. Тој тврди дека работи на каса, но и дека одвреме-навреме ги чисти и подовите во ресторанот бидејќи мора да заработи за себе.
Бошњак неодамна се врати од Берлин, каде што студираше на Институтот БИММ, на насоката за Музички бизнис.
„Се разбудив една сабота и си помислив: ‘Зошто сум тука?’. Купив билет и во вторникот веќе бев во Загреб, каде си реков: ‘Ајде да работиме’. Многу бргу носам одлуки, на истиот начин како што одлучив да живеам во Германија. Тоа не е некоја храброст, на нас младите тоа ни е многу нормално, треба да се слушаш самиот себе и да го следиш својот пат. И јас имам црни денови, но настојувам на тоа да бидам добро“, изјави тој во емисијата.