Две државјанки на Албанија и една бугарска државјанка ноќеска се приведени во кафеана кај гостиварското село Зубовце, поради сомнение дека го пречекориле туристичкиот престој во земјава, соопшти МВР.

„Денеска (12.04.) полициски службеници од ОВР Гостивар во содејство со Државната пазарна инспекција и Трудовата инспекција извршиле акциска контрола во угостителски објект со локација во атарот на село Зубовце, гостиварско. При контролата, поради основано сомнение за злоупотреба на туристички престој приведени се три странски државјанки на возраст од 31 до 43 години и тоа две од Р.Албанија и една од Р. Бугарија. Тие биле задржани во полициска станица за понатамошна постапка“, пишува во полицискиот билтен.