Двајца Британци и Мароканец се под закана од смртна казна во Доњецк поради војување за Украина

Украинските борци го напуштија Азовстал/Фото: EPA-EFE/RUSSIAN DEFENCE MINISTRY PRESS SERVICE/HANDOUT BEST QUALITY AVAILABLE HANDOUT EDITORIAL USE ONLY/NO SALES

Двајца Британци и еден Мароканец, заробени додека војувале на украинска страна, може да добијат смртна казна, откако признаа вина во судот на самопрогласената Народна Република Доњецк, во источна Украина, јавија руски медиуми.

Британецот Шон Пинер и Мароканецот Брахим Саадун признаа вина за дејствување поради насилно преземање власт.

Другиот Британец, Ајден Аслин се изјасни за виновен за полесно кривично дело во врска со оружје и со експлозиви.

Како што пренесуваат медиуми, според обвинителите нивните обвиненија споени може да значат смртна казна за сите тројца.

Судењето се одвива во една од двете сепаратистички парадржави во источниот дел на Украина, поддржани од Москва.

Три дена пред инвазијата на Украина на 24 февруари, Русија ги призна како независни држави, нешто што Украина и Западот го осудија и го оценија како незаконски.

Руска телевизија објави снимка каде се гледа како Британците молат да бидат разменети за сојузникот на рускиот претседател Владимир Путин во Украина, заробен од страна на украинските власти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот