Јужнокорејскиот суд денеска го осуди на доживотен затвор поранешниот претседател Јун Сук Јеол, откако го прогласи за виновен по обвиненијата за злоупотреба на службената должност и организирање бунт, што произлезе од неговиот обид за воведување воена состојба во декември 2024 година, пренесува Ројтерс.

Обвинителите бараа смртна казна во случајот, кој внимателно се следи во длабоко поделена земја. Ова е досега најзначајниот за соборениот лидер, чија кандидатура предизвика национална политичка криза и ја тестираше демократската отпорност.

Јун беше прогласен за виновен за „планирање бунт“ во врска со неуспешниот обид за воведување воена состојба во декември 2024 година.

Breaking News: Yoon Suk Yeol, South Korea’s ousted leader, was found guilty of leading an insurrection, over his martial law decree in 2024. https://t.co/PpjDjr4BwW

— The New York Times (@nytimes) February 19, 2026

Чекајќи ја одлуката, поддржувачите на поранешниот јужнокорејски претседател се собраа пред Централниот окружен суд во Сеул.

По обидот за државен удар, Јун беше затворен со недели во својата резиденција во Сеул под заштита на својот телохранител.

Тој конечно беше уапсен минатиот јануари во рација што траеше со часови, станувајќи првиот актуелен јужнокорејски претседател уапсен и затворен.