„Доаѓа одговорот“ – Алијанса за Албанците открија делче од мистериозната кампања
Арбен Таравари, генералниот секретар на Алијансата на Албанците и градоначалник на Гостивар, вечерва на својот ФБ профил откри дел од мистериозната кампања на својата партија која ја започнаа пред некој ден.
-На 1 јули, во 20:00 часот, во рекреативно-спортскиот центар во Гостивар, со извонреден концерт доаѓа Одговорот!, напиша Таравари, откривајќи дека партијата организира концерт за своите сограѓани од овој град и приликата ќе биде искористена за презентација на новата партиска програма со која Алијанса на Албанците ќе настапи на есенските локални избори.
– Политичката програма се подготвува заедно со граѓаните. Откако ќе биде готова, тоа ќе биде објавено и за пошироката јавност. Што се однесува до кандидатите за градоначалници, ние сме во процес на предлози и анализи, во догледно време, тие ќе бидат познати и за пошироката јавност – изјави за „Слободен печат“, изјави вчера за „Слободен печат“ потпретседателот на АА, Ремзи Мехмеди.