Димитров – Јан Хекер во Берлин: Реафирмација на германските напори за заокружување на Преговарачката рамка

Заменик претседателот на Владата задолжен за европски прашања, Никола Димитров, во рамки на агендата од првиот ден во Берлин, оствари средба со Јан Хекер, главен советник за надворешна и безбедносна политика на канцеларката Ангела Меркел на која беа реафирмирани напорите на Германија за заокружување на Преговарачката рамка.
– Одржувањето на првата Меѓувладина конференција за време на германското претседателство ќе биде влог во кредибилитетот на Унијата во регионот и огромен поттик за Северна Македонија да ја мине клучната етапа од патот кон членство во Европската Унија, истакнал Димитров, соопшти СЕП.​
Во тој контекст, се наведува во соопштението, била посочена и важноста на Берлинскиот процес, инициран од Германија, за кој соговорниците се согласија дека значително придонесува за унапредување на регионалната соработка, преку проектите за меѓусебно поврзување и инфраструктура, дигиталната агенда (роаминг) и промовирање на соработката меѓу младите.
Вицепремиерот Димитров, се додава, се сретна и со Хелге Токсдорф, ко-претседавач на Мешовитиот економско-управувачки комитет меѓу Северна Македонија и Германија со кого разговараа за можностите за зголемување на соработката, со оглед на значајните германски инвестиции на македонскиот пазар.
Во однос на европската перспектива и тековните случувања за финализирање на рамката, Димитров размени мислења и со Валеска Еш, заменик извршен директор и програмски директор за Европа на Аспен Институтот, стои во соопштението.
Прочитајте и...  Индија: Повеќе од 53.000 заразени за еден ден

Поврзани вести

Во светот над 1,1 милиони починати, и над 42 милиони заразени од коронавирус

Слободен печат

ВИДЕО: Трамп на гласање со маска – Гласав за кандидатот Трамп

Слободен печат

Селма остана во Франција, родителите и роднините кои ја тепаа и истрижаа протерани во Сараево

Слободен печат

Брисел со продолжен полицискиот час, маските станаа задолжителни

Слободен печат

Двајца починати и 166 новозаразени од ковид-19 на Косово

Слободен печат

Две жени од Виница и Берово починаа на штипското Инфективно одделение

МИА Агенција

Остави Коментар