Дибиров: Не очекува машки натпревар со ПИК Сегед, одиме на победа
Тимур Дибиров е свесен дека следниот предизвик на Вардар во Лигата на шампионите е тежок, тоа е унгарскиот ПИК Сегед кој за разлика од „црвено-црните“ се наоѓа во одлична форма.
ПИК Сегед изминатиот викенд одигра нерешено со Веспрем во домашниот шампионат, но за вардарци победата е императив бидејќи се наоѓаат во серија од три порази во ЛШ.
– Што се однесува до Сегед мислам дека ќе биде тежок натпревар, но ние сакаме да дојдеме до победата. Знаеме дека ни недостигаат бодови. Очекувам машки и многу сериозен натпревар. Ќе биде тешко, тоа е сигурно, но не сакаме предвреме да се предадеме и одиме таму да победиме – вели Дибиров кој на последните три натпревари во ЛШ постигна дури 25 гола, по девет им даде на Кил и Алборг, а седум на Монпелје.
Натпреварот ПИК Сегед – Вардар ќе се игра в четврток со почеток од 18:45 часот.