Деветто засилување во Кавадарци: Марио Станковски се врати во ПМФЛ
Прволигашот Тиквеш денес го потврди своето деветто засилување ова лето пред новата сезона во Првата македонска фудбалска лига
Нападот во Кавадарци го засили 23-годишниот Марио Станковски кој потекнува од фудбалската школа на Работнички и мина една сезона во Триглав каде што не се наметна и се враќа во македонското првенство.
Станковски низ кариерата беше дел од Тетекс, Гостивар, Саса и Борец, во 2019 година одигра една полусезона и за Тиквеш.
Пред Станковски во Кавадарци пристигнаа осуммина, меѓу најзвучно е името на екс-македонскиот репрезентативец Даниел Мојсов. Покрај него пристигнаа уште: Марио Гасама, Шиков, Михаилов, Ибиши, Спиркоски, Тодоров и Митков.