Македонскиот напаѓач Дени Мусовски ја продолжи соработката со Сиетл Саундерс, откако потпиша нов договор со клубот од Сиетл. Според договорот, Мусовски ќе остане во тимот до сезоната 2027/28, со можност соработката да биде продолжена за уште една година.

Фудбалерот, кој се очекува да се најде на списокот на селекторот Гоце Седлоски за претстојните натпревари на македонската репрезентација, имаше одлична мината сезона во МЛС. Тој тогаш постигна 16 погодоци, додека во новата сезона, која штотуку започна, досега има три настапи на кои влезе од клупата за резерви.

Кариерата на Мусовски во САД започна во редовите на Сан Хозе Ертквејкс, по што настапуваше и за Рено 1868, Лос Анџелес и Реал Солт Лејк. Во Сиетл Саундерс пристигна во февруари 2024 година.