Денеска пресуда за велешанката Пале која во самоодбрана го уби насилниот партнер
Денеска се очекува да биде донесена пресудата за велешанката Пале Илоска, која минатата година го уби својот невенчан сопруг, додека тој вршел насислтво врз неа.
Велешкиот суд ја суди за дело убиство на миг, иако јавноста постојано бара да се третира како убиство во самоодбрана. Во текот на сведоштвата беше осознаено дека убиениот често се однесувал насилно и бил пријавуван, но полицијата никогаш не постапила по пријавите.
Убиениот беше полицаец во СВР Велес, во два наврати е условно осуден за две кривични дела во велешкиот Основен суд, еднаш оти прегазил шестмина тинејџери и еднаш оти ја давел сестрата на Пале.
Мајката на Александар како оштетена не побара кривичен прогон на обвинетата Павлинка, додека татко му Венко остави на судот тоа да го решава. Илоска му била трета невенчана сопруга, а Александар имал зад себе и еден брак со деца. Една од невенчаните сопруги сведочеше каква сè тортура доживувала додека била во заедница, а Александар го нарече алкохоличар и насилник.