Делумно повлекување на блокадата во главниот град не значи и решение за колапсот на јавниот превоз во Скопје кој го создаде неспособната ВМРО-ДПМНЕ, реагира СДСМ, откако приватните превозници најавија дека ќе остане блокадата на Илинденска, но не и кај Мавровка и кај Црвен Крст.

Мицкоски и ДПМНЕ да најдат решение за проблемот што го созададоа и да го ослободат и Скопје и државата од блокади и хаос, напоменуваат од СДСМ. Градоначалничката, претседателот на Светот, мнозинството во Советот на Град Скопје, директорите и членовите на управните одбори на јавните претпријатија во Скопје сите се кадри на ВМРО-ДПМНЕ. Нека седнат и нека работат, да најдат решение за колапсот на сообраќајот во Скопје. Доста беше изживување врз граѓаните“, стои во реакцијата на СДСМ.