Де Брујне: Лигата на нации е неважна и преценета
Фудбалерот на Манчестер сити и на белгиската репрезентација, Кевин де Брујне е огорчен што по долгата и напорна сезона мора да игра во Лигата на нации и тоа во згуснат распоред.
Селекцијата на Белгија се наоѓа во дивизијата А и од 3. до 13. јуни ја очекуваат два натпревари против Полска и по еден против Холандија и Велс.
Де Брујне смета Лигата на нации не треба да се игра веднаш по завршување на сезоната во националните првенства бидејќи фудбалерит се преморени и потребен им е одмор.
– Лигата на нации е неважна. Тие за мене се серија на преценети пријателски натпревари по долга и тешка сезона. Воопшто не се радувам на претстојните натпревари – изјави Де Брујне.
Белгиецот во штотуку завршената сезона одигра 45 натпревари за Манчестер сити и четири за својата репрезентација, но речиси два месеци отсуствуваше од терените поради повреда и коронавирус.