Дали би пробале кафе со маслиново масло? „Старбакс“ го претстави новото кафе олеато
Најпознатиот синџир на кафулиња во светот, „Старбакс“ го претстави својот нов асортиман напитоци под името олеато, спојувајќи го неочекуваното – вкусно арабика кафе и лажица екстра девствено маслиново масло „Партана“.
Италијанците се љубители на кафе со истенчен вкус, а овие кафиња ќе почнат да се продаваат токму во италијанските кафулиња на „Старбакс“ од денес. На менито ќе има пет вкусови, вклучувајќи го и кафето со овесно млеко.
Од „Старбакс“ велат дека инспирација за кафињата со маслиново масло им била италијанската традиција за пиење лажица маслиново масло секое утро. Имено, извршниот директор на „Старбакс“ Хауард Шулц ја добил идејата за олеато за време на едно негово патување во Сицилија.
„Бев апсолутно изненаден од уникатниот вкус на комбинацијата на маслиновото масло и кафето на ‘Старбакс’. И во топлите и во ладните кафиња, создаде неочекуван, кадифеен, путерест вкус кој го подобри кафето.
Се разбира, ќе постојат луѓе кои ќе кажат: ‘Маслиново масло во кафе?’. Но, во последните 40 години, не се сеќавам кога сум бил повозбуден за нешто“, изјави Шулц.
View this post on Instagram