Не можете да ги затворите луѓето, ова е Европа, не е Кина, не е Јужна Кореја, тука луѓето сакаат слободно да живеат. Сега карантинот и рестриктивните мерки имаат многу голема логика во Израел, Србија, Велика Британија, САД, односно онаму кадешто има вакцини“, вели микробиологот д-р Никола Пановски за емисијата „Вин-вин“ на Телма.

Според него, мерката полициски час тој ја предложил 10 пати во есента, кога бранот бил посилен отколку сега. Сега, вели Пановски дека мерката е во ред, со оглед на тоа дека луѓе уште излегуваат на протести и во однос на економијата.

„Ако имате протести, собирање на луѓе, ќе придонесете за ширење на вирусот. Сметам дека оваа мерка е добра и не влијае на економијата. Како таква, јас би вовел и да не се носи платнена маска, туку хируршка N-95“, истакна Пановски.

Според микробиологот, Европа, со исклучоци,  потфрли во справувањето со ковид-кризата и не треба да ја препишуваме западната медицина.

„Западната медицина во пандемијата потфрли катастрофално и треба да се види зошто. Занзибар досега има три позитивни случаи и нема починати, а Танзанија има 509 случаи и 21 починат. Бројките се тие, колку тие и да ги кријат. Кога ќе ги соберете С. Америка, цела Европа и Јужна Америка имаат 14 пати поголема смртност“, рече Пановски.