Министерот за внатрешни работи Наќе Чулев во вклучување во дневникот на телевизија Сител потврди дека утрово имале седница на Координативниот кризен штаб за предлозите од Комисијата за заразни болести, како и дека според него карантинот од 58 часа не е добар за граѓаните, кои се под постојан притисок, како и за физичкото и ментално здравје.

– Јас го кажав мојот став на главниот координативен кризен штаб, а тоа е дека мора да има одреден период од денот каде што граѓаните ќе можат да се релаксираат и да ги извршат сите оние приватни обврски кои што ги имаат. Значи да нема ограничување во текот на денот од 58 часа во деновите недела и понеделник, додаде министерот Чулев.

Чулев ги повика верниците да се воздржат од прекршување на мерките и препораките, како и верските заедници да се придржуваат до овие ограничувања со цел заштита на здравјето на граѓаните.