Фудбалот станува се попопуларен во САД, пишува „Дејли Мејл“ повикувајќи се на последните истражувања.

Аналитичарите сметаат дека фудбалот или сокер како го наредуваат во САД, го претекна хокејот на мраз по популарност и сега е четврти спорт во Соединетите Американски Држави.

Студијата на компанијата „Ампере Анализис“ покажува дека 49 отсто од лубителите на спортот во САД уживаат да гледаат фудбал на ТВ, додека само 37 отсто следат хокеј на мраз. Трите најпопуларни спортови во САД се американскиот фудбал (НФЛ), кошарката (НБА) и бејзболот (МЛБ).

Договорот тежок 2.3 милијарди евра помеѓу Премиер лигата и телевизијата Ен-Би-Си е уште еден показател за растот на популарноста на фудбалот, што во САД е доста важно бидејќи оваа држава заедно со Канада и Мексико ќе го организираат Светското првенство во 2026 година.

Аналитичарите сметаат дека токму Мундијалот може дополнително да ја зголеми попупарноста во САД и за четири години да стане трет спорт во оваа држава.

– Фудбалот денеска е четвртиот најпопуларен спорт во САД. Фудбалот е пред хокејот, а неговата популарност оди во нагорна линија. Тоа е една од причините зошто Ен-Би-Си плати толку многу пати за новиот договор за емитување на натпреварите од Премиер лигата – изјави Пјер Маес, експерт за спортски медиуми.