Тренерот на Феникс санс, Монти Вилијамс е избран за тренер на годината, открива ЕСПН.
49-годишниот Вилијамс доби највеќе гласови од своите колеги тренери (во гласањето учествуваат сите 30 тренери во НБА) и е добитник на престижната награда која го носи името по Мајкл Голдберг, долгогодишниот директор на тренерската асоцијација (НБЦА).

ESPN Sources: Phoenix Suns coach Monty Williams has been voted as the National Basketball Coaches Association’s Coach of the Year: https://t.co/hceWTtAAxg

— Adrian Wojnarowski (@wojespn) May 18, 2021

Вилијамс го „воскресна“ Феникс, екипата регуларниот дел од сезоната го заврши со скор од 51 победа и 21 пораз со што го освои второто место во Западната конфереција, и по пауза од 14 години е најдобар во Пацифик дивизијата.

За тоа колкав напредок имаше Феникс санс под водство на Монти Вилијамс, говори податокот дека „сонцата“ станаа петтиот тим во историјата на НБА лигата кој забележал најмалку 15 победи во однос на претходната сезона.
Кога Вилијамс седна на тренерското столче во Феникс во 2019 година, сезоната ја заврши со скор од 19 победи и 63 порази, минатата сезона скорот беше 34:39, а оваа сезона тој учинок е подобар за дури 17 победи.
Минатата година за најдобар тренер беше прогласен Ник Нурс од Торонто репторс.