Комисијата за заштита на конкуренцијата денеска соопшти дека извршила ненајaвен увид во четири трговски субјекти и една стопанска комора во која тие се здружени, поради сомнеж за картелско здружување, односно договарање на цените.

При контролата во службените простории на компаниите, ланци на маркети кои вршат трговија на мало со прехранбени и непрехранбени производи, пронајдени се докази дека тие донеле незаконита одлука, која и јавно ја објавиле преку средствата за јавно информирање, пишува во соопштението.

„Контролираните субјекти, спротивно на Законот за заштита на конкуренцијата донеле забрана, односно се договориле дека ќе делуваат усогласено и нема да набавуваат стоки од добавувачи кои ќе достават нови ценовници за нивните производи, поради што е поведена прекршочна пријава против нив“, велат од Антимонополската комисија.

„Комисијата интензивно врши контроли кај повеќе правни субјекти кои имаат удел во синџирот на снабдеување со земјоделски и прхранбени производи и ќе презема најригороизни мерки и санкции на секое нарушување на конкуремнцијата на пазараор и нема да дозволи изигрување на законот на штета на граѓаните“, додаваат оттаму.