Четири гола на Лазаров во триумфот на Нант во Европската лига

Кирил Лазаров уште еднаш ја потврди својата класа/ Фото: EPA-EFE/Piotr Polak

Селекторот и капитен на македонската ракометна репрезентација, Кирил Лазаров со победа ги започна настапите во Европската лига.

Неговиот Нант со28:40 славеше на гости кај финскиот тим Кокс, а Лазаров постигна четири гола и тоа од четири обиди.

Милан Милиќ, Валеро Ривера и Александре Кавалканти беа најдобри кај Нант со по пет гола, додека кај Кокс се истакна Ѓекиќ со осум постигнати голови.

На останатите натпревари АЕК беше подобар од Татабања 34:26, ГОГ Гудме како гостин го совлада Чеховски Медведи 32:39, Фуксе Берлин во дерби мечот го совлада Тулуз со 32:30, Магдебург беше подобар од Горење со 27:31, додека Савехоф беше убедлив против Ла Риоха победувајќи со 43:31.

Видео на денот