Андреј Бабиш, милијардер и обожавател на Доналд Трамп, денеска положи заклетва како чешки премиер, два месеци откако популистичката партија АНО оствари убедлива победа на парламентарните избори и четири години откако се повлече од функцијата, пренесува Ројтерс.

Бабиш (71), кој владееше со Чешката Република од 2017 до 2021 година, повторно положи заклетва пред претседателот Петр Павел.

„Им ветувам на сите граѓани на Чешката Република дека ќе ги бранам нивните интереси, и на национално и на меѓународно ниво“, изјави Бабиш за новинарите.

Andrej Babiš je znovu premiérem. V čele Česka tak bude stát mimořádně připravený předseda vlády, který začne naplno pracovat pro naši zemi od prvního dne. Novou vládu jistě nečeká jen růžové období, ale s hodnotami, jako je odvaha, pracovitost, racionalita a vizionářství, udělá z… pic.twitter.com/tmgXrhhFx6

— Alena Schillerová (@alenaschillerov) December 9, 2025

Со оглед на тоа што неговата партија има само 80 места во парламентот – од вкупно 200 – Бабиш постигна договор за формирање коалициска влада со евроскептичната екстремно десничарска партија Слобода и директна демократија (СПД) и новоформираната десничарска Партија на возачите (АУТО).

Бабиш, кој за време на изборната кампања вети дека ќе ги зголеми социјалните бенефиции и ќе ја намали помошта за Украина за да им даде приоритет на Чесите, прогласи лојалност кон ЕУ еден ден по изборите.

‼️🇨🇿 Babiš se stává premiérem opět po čtyřech letech. Dnes ho na Hradě jmenoval prezident Pavel.

🗣 „Ať je Česko nejlepší místo pro život na planetě,“ řekl premiér @AndrejBabis. pic.twitter.com/QQR6xoioVh

— neČT24 (@42TCen) December 9, 2025

Но, неговото враќање на премиерската функција би можело да биде придружено со покритички став кон Брисел и зближување со Унгарија и Словачка, кои одбија да обезбедат каква било воена помош за Украина и се спротивставуваат на санкциите против Русија. Минатата година, Бабиш ја основа групата евроскептични Патриоти за Европа во Европскиот парламент со унгарскиот премиер Виктор Орбан. И покрај тоа што самиот размислуваше во еден момент, Бабиш на крајот го отфрли барањето на СПД за одржување референдум за тоа дали Чешка треба да остане во ЕУ.

Поранешен комунист кој се збогати, раководи, меѓу другото, со прехранбената и хемиската група Агроферт, основана во 1993 година. Според Форбс, тој е седмиот најбогат човек во Чешка, земја со 10,9 милиони луѓе која е исто така членка на НАТО.

Конфликт на интереси

Роден во Братислава на 2 септември 1954 година, Бабиш доби чешко државјанство по поделбата на Чехословачка во 1993 година, а влезе во политиката во 2011 година со основањето на Движењето на незадоволни граѓани (АНО, што на чешки значи „да“).

По поразот на парламентарните избори во 2021 година, тој не успеа да биде избран за претседател на Чешката Република во 2023 година, кога Петр Павел победи.

Павел постави услов за назначување на Бабиш за шеф на владата да најде решение за потенцијален конфликт на интереси со неговите деловни активности.

Минатата недела, Бабиш објави дека ги префрла активностите на својата група во независна структура, сè додека неговите деца не можат да го наследат. Павел рече дека е задоволен од потегот, иако недостатокот на детали за трансферот покренува прашања, со оглед на минатото на милијардерот.

Неговите критичари го обвинуваат дека ги меша чешките интереси со своите, а има и обвинувања за злоупотреба на јавни средства.

Бабиш сè уште се соочува со кривично гонење за злоупотреба на европски средства што ги добил во 2007 година, обвиненија што тој ги негира, нарекувајќи ги клевета. Тој е обвинет и дека бил агент на комунистичката тајна полиција во 1980-тите, обвинение кое тој исто така го негира.

Павел сè уште треба да ги одобри членовите на владата на Бабиш и веќе изрази резерви во врска со назначувањето на Филип Турек, почесен претседател на АУТО, за министер за животна средина.

Турек е под истрага за семејно насилство и силување, по жалба поднесена од неговата поранешна партнерка. Полициската истрага против него за наводно упатување нацистички поздрав е отфрлена. Чешките медиуми, исто така, објавија расистички и хомофобични пораки што Турек ги објавил на социјалните медиуми.