Претседателот на Европската фудбалска унија вели дека не постои краен рок за завршување на натпреварувањата на Стариот континент.

Поради пандемијата на коронавирус, фудбалските првенства се запрени ширум Европа и не се знае кога би можеле истите да продолжат.

За првиот човек на европскиот фудбал приоритет е здравјето на навивачите, играчите, клубовите. Тој вели дека не постои краен рок за завршување на натпреварувањата на Стариот континент.

– Оптимист сум по природа, верувам дека првенствата ќе продолжат и завршат. Можеби натпреварите ќе мора да се играат без присуство на навивачи, но и тоа е подобро отколку да не се одржуваат мечеви. Во вакви тешки времиња, луѓето би можеле да гледаат фудбал на телевизија и верувам дека тоа ќе им помогне – рече Чеферин за „Кориере дела Сера“.

Исто така смета дека доколку првенствата бидат предвремено завршени, тоа би имало ужасни последици по клубовите.

– Мораме да ги почитуваме одлуките на надлежните и да ја чекаме нивната одлука. Исто така, не постои краен рок за завршување на Лигата на шампионите и Лига Европа. Сè зависи од тоа кога ќе продолжиме – додаде претседателот на УЕФА.