„Бум“ на трансфер пазарот: Мане доби понуда која не се одбива!?
Садио Мане би можел да го напушти Ливерпул и да се пресели во Баерн Минхен! Оваа вест како ексклузива ја пласира доверливиот германски новинар Флоријан Плетенберг.
Тој тврди дека спортскиот директор на Баерн Минхен, Хасан Салихамиџиќ е воодушевен од Мане и дека тој лично преговарал со својот агент викендов.
Плетенберг тврди дека преговорите меѓу Ливерпул и Мане за продолжување на соработката не се движат кон добар правец и дека тешко ќе се дојде до договор.
Мане како и Мохамед Салах има договор до 2023 година и долго време се шпекулираше дека клубот ќе избере само еден на кого ќе му даде побогат договор.
Der FC Bayern bastelt an einem echten Transfer-Kracher! 😳
Sky erfuhr exklusiv: Sportvorstand Hasan Salihamidzic will Sadio Mane vom FC Liverpool verpflichten! Der 30 Jahre alte Senegalese soll der Königstransfer im Sommer werden! #skytransfer via @Plettigoal @Sky_Marc pic.twitter.com/Xa2D2zIqrg
— Sky Sport (@SkySportDE) May 9, 2022
Мане би добил важна улога во Баерн наместо Серж Гнабри, кој е незадоволен и сака да го напушти клубот, бидејќи и натаму не добил понуда за продолжување на соработката. Наводно, според овој извор, и Мане планира да побара трансфер на крајот од сезоната.
Ливерпул сè уште се бори за сите трофеи, иако направи чекор назад во борбата за титулата, утре треба да ја победи Астон Вила и да остане во чекор со Сити.
