Прочитајте како да го подготвите овој брз и едноставен ручек, односно полнети модри патлиџани, кои откако ќе ги пробате, редовно ќе бидат на вашата трпеза.

Потребни состојки:

4 модри патлиџани
100 грама ориз
1 морков
½ помала главица целер
2 домати
100 грама моцарела
100 грама шунка
2 дл супа од коцка
3 лажици масло
Мешавина од зачини, бибер

Начин на подготовка:

Измијте ги модрите патлиџани, исечете ги надолжно и издлабете им ја средината. Потоа кратко бланширајте ги во солена вода, па извадете ги и исцедете им ја вишокот вода.

Морковот и целерот излупете ги и изрендајте ги на крупно ренде, а доматите, шунката, моцарелата и извадената средина од модрите патлиџани насецкајте ги на коцки.

Во тефлонско тенџере на малку масло пропржете ги морковот и целерот, па додадете ги средината од модрите патлиџани, доматите и оризот и динстајте повремено налевајќи супа, сè додека сите состојки не омекнат.

Во издинстаната смеса додадете ги моцарелата и шунката и зачини по вкус, па со неа наполнете ги модрите патлиџани.

Полнетите модри патлиџани ставете ги во намасленета тава, пикнете ги во загреана рерна на 200 степени Целзиусови и кратко потпечете ги.