И покрај војната во Украина и покрај инфлацијата ширум светот, угледната швајцарска банка „Credit Suisse“ предвидува дека бројот на милионери во светот значително ќе се зголеми во следните пет години. Се проценува дека до 2026 година во светот ќе има 87,5 милиони луѓе кои ќе имаат нешто помалку од милион евра или милион долари на својата банкарска сметка.

Во извештајот на швајцарската банка се наведува дека во 2021 година во светот имало 62,5 милиони милионери, со заклучок дека бројот на милионери ќе продолжи да се зголемува, особено во растечките економии, а најмногу во Кина, пренесува српскиот портал „Курир“.

Најголем број милионери може да се очекуваат во САД, со зголемување од нешто помалку од три милиони, со вкупен број од околу 27,5 милиони до 2026 година. На второ и трето место се Кина и Јапонија со околу 4,8 милиони милионери, а потоа следуваат Велика Британија, Франција, Германија, Канада, Австралија, Италија и Јужна Кореја. Во извештајот на банката се проценува дека бројот на милионери во Индија, Хонг Конг и Африка ќе се удвои.

Швајцарската банка, исто така, предвидува дека до 2026 година, приватното богатство ќе се зголеми за повеќе од една третина.

И покрај инфлацијата и руско-украинската војна, веруваме дека глобалното богатство ќе продолжи да расте“, проценува банката.

Во првата половина од минатата година 500-те најбогати луѓе на Земјата изгубиле вкупно 1,4 трилиони долари. Причината за тоа, како што се наведува, е што богатството на најбогатите луѓе во светот зависи пред се од движењето на цените на акциите, а поголемиот дел од оваа година беше проследен со пад на цените на хартиите од вредност и акциите поради страв од рецесија. и инфлацијата.