Тројца Словенци викендов биле спасени на море откако нивниот брод останал без кормило во ноќта меѓу 16 и 17 јануари, објави Тпортал.

По неколку часа неконтролирано пловење во северниот Јадран, Словенците прво ги забележале светлата на гасната платформа „Весна“ на ИНА (националната нафтена компанија во Хрватска), која е без екипаж, а потоа успеале да стигнат до блиската гасна платформа „ИНА Иван А“, која има екипаж.

Тие некако успеале да допловат до неа, а екипажот на платформата ги забележал и ги пронашол смрзнатите, но неповредени словенечки морнари во чамецот.

Според протоколот, веднаш биле известени Националниот центар за пребарување и спасување на море и Пристанишната управа.