Британски научници: Со тек на времето, вакцините ќе обезбедуваат помала заштита од вирусот
Британските научници сметаат дека со текот на времето, вакцините ќе обезбедуваат помала заштита од вирусот, со што кампањите за вакцинирање ќе потраат и следните години.
„Голема е веројатноста дека со тек на времето ќе ослабе имунитетот на вакцините, па и за потенцијалните потешки облици на вирусот. Тоа значи дека и наредните години ќе продолжат кампањите за масовно вакцинирање на населението“ тврдат научниците од САГЕ (Научната советодавна група за итни случаи).
Документот под името „Колку долго ќе штитат вакцините против Ковид?“ беше направен од страна на истакнати епидемиолози од повеќе установи, како Кралскиот Универзитет од Лондон, Факултетот Бирмингем, како и од Заводот за јавно здравје на Англија.
Во Британија се признаени три вакцини, АстраЗенека, Фајзер и Модерна.