Бразил – Јужна Кореја: Дали е можно најголемото изненадување во историјата на Мундијалите?
Се случува очигледните фаворити да кикснат против аутсајдерите, па денеска ќе видиме дали ова сценарио ќе биде исто и за осминафиналниот натпревар на Светското првенство во Катар помеѓу Бразил и Јужна Кореја (20.00 часот).
Едно е сигурно, Јужна Кореја ќе даде сѐ од себе за да го продолжи престојот во Катар по пласманот во нокаут-фазата.
Ова е нивно 11-то учество на Мундијалите, а најголемиот успех го постигнаа во 2002 година, кога со Јапонија беа домаќини и го освоија високото четврто место. Селекторот на јужноамериканската селекција, Паоло Бенто во составот го има одличниот играч од средниот ред на Тотенхем, Хју-Мин Сон.
Добри вести за Бразил: Нејмар ќе биде спремен за осминафиналето
Бразил, петкратниот победник на Мундијалот според обложувалниците е најсериозен кандидат за трофејот. За „кариоките“ ова им е 22 учество на светските првенства, а последната титула ја освоија во 2002 година.
Бразил и Јужна Кореја никогаш не се сретнале на Мундијалите. Во досегашните седум меѓусебни мечеви (сите пријателски) Бразил е подобар со шест победи, а Јужна Кореја еднаш славеше во 1999 година со 1:0. Последниот дуел го имаа годинава кога Бразилците победија со убедливи 5:1.
ВИДЕО | Катар 2022: Може ли да очекуваме изненадувања во осминафиналето?