Викендов започнаа дуелите од осминафилането на Светското првенство во Катар 2022 година. Првите четири натпревари веќе се одиграа, а без никакви изненадувања фаворизираните репрезентации на Холандија, Аргентина, Франција и Англија обезбедија пласман во следната фаза.

Денеска нѐ очекува еден доста изедначен дуел меѓу Хрватска и Јапонија, земји кои покажаа дека можат да го изненадат противникот. Вториот двобој е меѓу екипата на Бразил и Јужна Кореја, во кој јужноамериканскиот гигант влегува како огромен фаворит.

Викендов ги добивме и првите двојки во четвртфиналето на мундијалот. Веќе влегуваме во фаза кога натпреварите стануваат сѐ потешки за прогнозирање. Лионел Меси и Аргентина одат против Вирџил Ван Дајк и Холандија, а второто четвртфинале е натпревар меѓу „два стари европски ривала“, Франција и Англија.

Утре останува да се заврши осминафиналето во Катар, со дуелите меѓу Шпанија и Мароко, како и Швајцарија и Португалија.

Засега изненадувања нема, но на преостанатите дуели не би изненадило доколку некој „аутсајдер“ обезбеди победа.