„БОМБА“ ОД РУСИЈА: Шпионот Скрипал е жив?!
Популарен руски дневник објави аудио снимка со глас, за кој тврди дека му припаѓа на двојниот шпион Сергеј Скрипал.
Ако биде потврдена неговата автентичност тоа ќе биде прв доказ дека Скрипал е жив, од кога беше отруен минатата година во Солсбери, Англија.
Таблоидот „Московски Комсомолец“ на својот интернет сајт објави снимка од 30 секунди, пишувајќи дека станува збор за снимена порака која Сергеј и ја упатил на својата внука Викторија, која живее во Русија.
Според пишувањата на весникот, Скрипал ја повикал својата внука на 9 мај по повод победата над нацистите во Втората светска војна.
„Се е добро со мене, јас и Јулија сме во ред“, рекол наводно Скрипал во аудио снимката.
Скрипал и неговата ќерка Јулија, според соопштението на британските власти, починаа во болницата минатата година откако беа отруени во парк во Солсбери.