Бобан Илиоски без пласман на Летните олимписки игри во Париз
Бобан Илиоски, кој во 2022 година беше европски шампион во кик-бокс, а во 2023 година стана и светски шампион во кик-бокс, годинава одлучи да настапи во предолимпискиот турнир во бокс за пласман на Летните олимписки игри во Париз.
Македонецот на турнирот во Бусто Арсизио беше поразен уште на првата пречка од Патрик Барон од Велика Британија по одлука на судиите.
Судиите прогласија победа во корист на Британецот (30:25, 30:24, 30:25, 30:26 и 30:24).
Илиоски настапи во категоријата до 92 килограми во која беа пријавени 44 боксери од светот, а само четворица од нив ќе учествуваат на ЛОИ 2024.
Илиоски беше единствениот македонски претставник на квалификацискиот турнир во Италија.