18.8 C
Скопје

Бертомеу доби отказ, клубовите ја презедоа Евролигата!

Жорди Бертомеу повеќе не е на чело на Евролигата..На состанокот на клубовите кој се одржа денеска, според грчката „СДНА“, тој бил ослободен од должноста од страна на 20 клуба целосно едногласно.

Тој ја изгуби поддршката од 11 клуба кои претходно беа зад него и имаа долгорочни лиценци за настапи во натпреварувањето. На анонимно гласање, никој не гласаше за тој да остане на чело на Евролигата.

Сè започна пред неколку месеци на таен состанок одржан во Атина кога претставниците на седум клуба (Панатинаикос, Олимпијакос, Макаби, Жалгирис, Ефес, ЦСКА и Олимпија Милано) се согласија за чекорите за негово отстранување. Тие беа загрижени за финансиската состојба во натпреварувањето и начинот на кој Бертомеу дистрибуираше пари меѓу клубовите.

Нешто подоцна, тие беа поддржани од сите други со трајни лиценци, како што се Реал Мадрид, Барселона, Басконија и Фенербахче. „Кулата“ полека почна да се руши, а денеска одлуката за смената беше донесена едногласно. Тој ќе остане на позицијата генерален директор, но неговите овластувања ќе бидат намалени на максимум и нема да има никакво влијание.

Бертомеу е правник од Барселона кој беше висок функционер на шпанската кошарка од 1982 до 2000 година. Пред 20 години ја формираше Евролигата со своите соработници, што предизвика големи нарушувања во европската кошарка, кои продолжуваат и до денес. Со текот на времето, Евролигата стана сè позатворено натпреварување, во кое богатите станаа привилегирани. Тоа го гледаме во АБА-лигата, каде само шампион може да стигне до место во елитното натпреварување.

Поврзани вести

Падобранецот на „Гринпис“едвај спасил жива глава, снајперисти го имале на нишан

Слободен печат

Ламело Бол е дебитант на годината во НБА

Слободен печат

Навивачка љубов: „Фалангата“ и украинските фанови заедно во Букурешт

Слободен печат

ВИДЕО: Италија ја суреди Швајцарија и се пласира во осминафиналето

Слободен печат

ФОТО: Јокиќ се врати во родниот Сомбор и веднаш седна во едносед

Слободен печат

Срамно, масовно се бришат видеата на кои Ѓоковиќ му го подарува рекетот на момчето од трибините

Слободен печат

Остави Коментар