Барди следната сезона наместо во втората шпанска лига ќе игра во Лигата на шампионите
Македонскиот репрезентативец Енис Барди ќе го напушти шпанскиот тим Леванте и ќе потпише за турскиот првак Трабзонспор, објави „Марка“.
Двата тима денеска нашле заеднички јазик за отштетата која ќе изнесува 3 милиони евра плус дополнителни бонуси, а Барди ќе потпише тригодишен договор со Трабзонспор и следната сезона ќе игра во Лигата на шампионите наместо во втората шпанска лига.
Барди претходно се поврзуваше со трансфер во Олимпијакос, Елче, Алмерија, но турскиот шампион беше најконкретен во преговорите и успеа да се договори со Леванте.
Македонскиот репрезентативец во Леванте пристигна во 2017 година од Ујпеш, а следната сезона во турската Супер Лига ќе игра уште еден репрезентативец, Езџјан Алиоски кој потпиша за Фенербахче.