Бараж двојки за влез во Првата лига, Скопје ќе игра со Беласица
Во просториите на Фудбалската федерација на Македонија со жрепка се дознаа бараж двојките за опстанок/влез во Првата лига за следната сезона.
За опстанок во 1МФЛ ќе се борат екипите на Скопје и Тиквеш, а второпласираните од второлигашките конкуренции Воска Спорт и Беласица за влез во елитата.
Ќе се игра еден бараж натпревар, на 22 мај на стадионот „Гоце Делчев“ во Прилеп силите ќе ги одмерат Воска Спорт и Тиквеш, а истиот ден на Градскиот стадион во Штип ќе играат Скопје и Беласица.
И двата меча се закажани со старт од 17.00 часот.
Победниците од бараж дуелите ќе играат во следната натпреварувачка сезона 2022/2023 во која ќе бидат и шампионот Шкупи, потоа Академија Пандев, Шкендија, Македонија ЃП, Ренова, Брегалница Штип, Струга Трим Лум, Работнички, и шампионите од вторите лиги на Западот и Истокот, Победа и Силекс.