Балмер донира 25 милиони долари во борбата против коронавирусот
Парите ќе бидат распределени во Сиетл, во Лос Анџелес и во Мичиген, а 10 милиони долари се наменети за Универзитетот во Вашингтон на кој се работи на вакцина за Ковид-19.
Заедно со неговата сопруга Кони, сопственикот на Лос Анџелес Клиперс и поранешен директор во Мајкрософт, Стив Балмер донира 25 милиони долари за борба против коронавирусот.
Парите ќе бидат распределени во Сиетл, во Лос Анџелес и во Мичиген, а 10 милиони долари се наменети за Универзитетот во Вашингтон на кој се работи на вакцина за Ковид-19.
Steve Ballmer and His Wife Have Donated More Than $25 Million to Seattle, Los Angeles and Michigan https://t.co/Hjqnxa32Pb
— NFL Draft Diamonds (@DraftDiamonds) March 27, 2020
Многумина можеби ќе кажат дека ова не е ништо од страна на Балмер, со оглед на тоа што богатството според „Форбс“ му е проценето на 57,3 милијарди долари.
Претходно најави дека ќе ја купи старата сала на Лејкерси, познатиот „Форум” и земјиштето во околината за изградба на нов дом за неговите Клиперси за што плати 400 милиони долари во готовина.
До прекинот на НБА сезоната, екипата на ЛА Клиперс се наоѓаше на второто место на Западната конференција зад водечките Лејкерси.