Почина австрискиот милијардер Ричард Лугнер, познат по својот луксузен и екстравагантен начин на живот, пишува „Сан“.

Лугнер имаше 91 година и се бореше со здравствени проблеми во последните неколку месеци. Тој почина во својата вила во Виена.

Милијардерот ја остави сопругата Симоне Рајландер, 42-годишна актерка со која се ожени пред само два месеци. Двојката поминала низ трнлив пат додека не се венчаа. Тие се верија во октомври минатата година, но набргу потоа раскинаа.

Откако се смирија, организираа граѓанска венчавка. На свадбата во градското собрание поканија 50 гости, 30 новинари и бројни видеографи. Венчавката ја изврши истиот матичарот кој го венчаше Ричард и со неговата поранешна сопруга Кети Лугнер.

„Сега сме оковани еден за друг“, рекол тогаш Лугнер.

Првата брачна ноќ ја поминаа во луксузен хотел, а актерката Симоне изјави: „Имавме многу долга прва брачна ноќ. Подолга од свадбата и прославата“.

Симоне беше шестата сопруга на Лугнер. Со својата прва сопруга Кристин Гмајнер се оженил во 1961 година, а во брак биле 17 години, до 1978 година. Една година по разводот се оженил со Корнелија Хан, со која бил во брак четири години. Откако се разведе од втората сопруга, во 1984 година се ожени со Сузан Дитрих, која почина на 34-годишна возраст по операција на носот. Со својата четврта сопруга Кристина Лугнер беше долги 16 години, а се разделија во 2007 година. Пред Симоне, тој беше во брак две години со Кети Лугнер, која беше 57 години помлада од него.

Лугнер се стекна со слава и преку состаноците од висок профил, плаќајќи огромни суми на познати лица како Ким Кардашијан и Парис Хилтон за да го придружуваат на настани.

ФОТО | Шести брак за австрискиот милијардер: Ричард Лугнер на 91 година се венча со 49 години помлада