Авион со руска делегација и новинари еден час кружел над Женева пред да добие дозвола за слетување, пренесува репортер на агенцијата РИА Новости. Судејќи по се, авионот со руската делегација бил принуден да почека бидејќи нешто порано слетал авионот со претседателот на САД, Џо Бајден.

Стјуардесата им кажала на сите патници дека авионот се наоѓа на листата на чекање, и дека поради тоа пилотот бил принуден дури десет пати да го прелетува Женевското езеро пред да слета на женевскиот аеродром.

Руската делегација допатувала во Женева за да учествува на самитот на претседателите на Русија и САД, Владимир Путин и Џозеф Бајден.

Како што е претходно најавено, авионот со рускиот претседател Владимир Путин би требало да слета на женевскиот стадион утре непосредно пред состанокот со американскиот претседател.