Американската ВНБА-ѕвезда уште шест месеци во притвор во Москва
Продожен и е притворот на Битни Гринер која беше уапсена во февруари за поседување масло од канабис, а се уште не се знае кога ќе и започне судењето на кое може да добие 10 години затвор
Славната американска кошаркарка Битни Гринер (31) ќе остане зад решетки во Москва, Русија, уште најмалку шест месеци.
Така одлучи судот во престолнината на Русија на последното сослушување на Американката. Таа беше уапсена на аеродромот во Москва минатиот февруари, затоа што при контролата во нејзиниот багаж било пронајдено масло од канабис.
Оваа супстанција е дозволена за употреба во некои држави од САД, но е строго забранета во Русија.
Американката на сослушувањето била донесена со лисици на рацете, а цело време се обидувала да се засолни од камерите и од фотоапаратите.
– Нејзиниот руски адвокат изјави дека судијата го продолжил нејзиниот притвор за времетраење на нејзиното судење. Не е одреден датум. Интересно, немало присутни официјални лица од Амбасадата на САД – изјави американскиот новинар Чарлс Мејнс.
And 40 min later the preliminary hearing is over. No comment from Griner. Her Russian lawyer says the judge extended her detention for the length of her trial. No date set. Curiously, no US embassy officials present for the hearing. #BrittneyGriner pic.twitter.com/FSYprXjSgs
— Charles Maynes (@cwmiii3) June 27, 2022
На Бритни и се заканува казна до 10 години затвор. Таа е една од најдобрите кошаркарки во американската ВНБА лига и има две олимписки злата. Од 2014 година настапува за руски Екатеринбург, тим со кој четири пати е европска првенка.
